Euro u rrit pasi kaloi një pjesë të madhe të javës në nivel të ulët, pas vendimit të FED-it mbi normat e interesit që u rritën nga 3,25% në 4%. Të premten, zyrtarët e FED-it sugjeruan se vendimi mbi normat e interesit në dhjetor mund të jetë më i ulët se 75 pikë bazë të pritura.
Paundi Britanik ra pas vendimit të Bankës së Anglisë të enjten që të rrisë normat e interesit për 75 pikë bazë. Por tregtarët u alarmuan nga paralajmërimi i bankës se UK-ja pritet të bjerë në recesionin më të gjatë në 100 vjet.
USD/JPY lëvizi në nivelet më të ulëta deri në fund të javës pasi dollari ra ndaj monedhave të tjera.
Çmimi i arit iu afrua nivelit më të lartë në një muaj pasi tensionet në Azi dhe Lindjen e Mesme shkaktuan që investitorët të konsiderojnë asetet e strehës së sigurtë. Zyrtarët e FED-it sugjeruan të premten një rritje potenciale më të ulët në dhjetor, gjë që gjithashtu e mbështeti metalin e çmuar.
Aksionet e USA-së ranë pasi bankat qendrore më të mëdha botërore rritën normat e interesit ndërsa investitorët ishin të shqetësuar për shkak të mundësisë që recesioni të jetë më i thellë. Lajmet nga Kina gjithashtu shkaktuan paqëndrueshmëri dhe aksionet gjetën mbështetje në raportet se Kina mund të lehtësojë kufizimet e saj lidhur me Covid, por zyrtarët kinezë e mohuan këtë gjë gjatë fundjavës.
Çmimi i naftës vazhdoi të rritet për shkak të shifrave pozitive të rezervës, duke sugjeruar se kërkesa po rritet përsëri në SHBA. Tregtarët kanë futur në llogari edhe vendimin e BE-së për të reduktuar importet e naftës së papërpunuar me 90% deri në fillim të dhjetorit.