Еврото малку се промени минатата недела, притоа ги зачува претходните (големи) добивки. Сепак, Германија ги продолжи своите мерки за спречување на ширењето на коронавирус до крајот на јануари, додека бавното темпо на имунизации и скромната дистрибуција влијаеја врз натамошниот раст на еврото.
Еуфоријата по пост-Брегзит договорот помина, а новите мерки за спречување на ширењето на позаразниот вид на коронавирусот во Велика Британија, врши притисок врз британската валута.
Јапонскиот јен продолжи да заздравува бидејќи доларот остана придушен по усвојувањето на мерките за фискален стимул во американскиот Конгрес.
Граѓаните на Џорџија излегуваат на гласање во вторник за да утврдат контрола врз Сенатот, што може да го одреди патот на доларот во првата половина на 2021 година.
Индексите на американските берзи продолжија да растат поради пост-ковид оптимизам, но високите проценки и неизвесноста околу изборите во Џорџија предизвикуваат нестабилност. Инвеститорите се загрижени и за судбината на Џек Ма, коосновач на најуспешната кинеска технолошка империја „Алибаба“, кој не се појави во јавност или објавил што и да на социјалните мрежи од крајот на октомври.
Цената на златото нагло порасна на првиот ден на тргувањето во 2021 година поради очекувањето дека Деморатите ќе победат во Џорџија, што ќе ја отвори вратата за пакет од (неколку) милијарди долари помош во следните месеци Нивото на отпор од 1900 е скршено.
Цената на сурова нафта беше нестабилна, но ги консолидира претходните добивки за време на редовниот состанок на ОПЕК +, во понеделникот и вторникот. Министрите од групата на производувачи на нафта разговараа за деталите за квотите од февруари наваму. Иранското запленување на јужнокорејски брод во понеделникот зголеми тензии на Блискиот исток, туркајќи ја цената на нафтата WTI кон 50 долари за барел.