Еврото нагло падна во однос на доларот. Зголемувањето на приносот на долгорочни државни обврзници го зајакна доларот (кој е во зона на прекумерна продажба) во однос на сите главни валути. Пандемијата продолжува да беснее на двете страни на Атлантикот. Последиците по собирите во текот на празниците допрва ќе ги гледаме.
Британската валута остана на пониски нивоа поради влошената здравствена состојба во Велика Британија и строгите мерки за спречување на ширење на коронавирусот. Сепак, Ендру Бејли, гувернер на Банката на Англија, во вторникот рече дека негативните стапки се контроверзно прашање, што ја поддржа фунтата. Фунтата, исто така, најде поддршка кај зголемувањето на стапката на вакцинација во Велика Британија.
Јапонскиот јен ослабе кога доларот се покачи поради зголемувањето на долгорочните приноси.
Изборите во Џорџија покажаа дека контролата врз американскиот Сенат сега е во раце на Демократите, што може да продолжи да врши притисок врз доларот во наредните месеци.
Индексите на американските берзи благо пораснаа. Во петокот, големите банки треба да ги објават своите квартални извештаи, со што ќе отпочне сезоната на заработки.
Цените на златото беа во слободен пад бидејќи растот на приносот на обврзниците ја намали привлечноста на благородните метали.
Цената на сурова нафта нагло се зголеми откако министрите на земјите произведувачи на нафта одлучија да не го зголемуваат производството. Згора на тоа, Саудиска Арабија одлучи доброволно да го намали своето производство за 1 милион барели дневно во февруари и март. Дополнителен поттик обезбеди натамошниот пад на резервите на сурова нафта во САД.