Analiza javore për ndryshimet e CFD's - 17/05/2021 - 21/05/2021
May 19, 2021
Mohim i rrezikut: Shembulli më poshtë është vetëm për qëllime ilustruese dhe bazohet në lëvizjet e çmimeve të nxjerra nga Kontratat për Diferencë (CFD). Llogaritjet pasqyrojnë rezultate hipotetike duke përdorur të dhëna historike ose të specifikuara të çmimit për instrumentin përkatës në datën e deklaruar dhe nuk janë tregues i performancës së ardhshme. Çdo mbështetje te ky material bëhet rreptësisht me rrezikun e vetë përdoruesit.
Euro vazhdoi të rritet ndërsa vendet e BE-së lehtësojnë kufizimet dhe përpjekjet e imunizimit japin fryte. Pothuajse gjysma e evropianëve tani kanë marrë të paktën një dozë të vaksinës kundër covid-19.
Paundi britanik u forcua në krahasim me dollarin e dobët. Në Mbretërinë e Bashkuar, kufizimet në lidhje me ngrëniet në ambiente të mbyllura, kinematë, shkollat dhe univerzitetet janë hequra. Fluturimet ndërkombëtare rifilluan të hënën si pjesë e fazës 3 të planit të rihapjes.
USD/JPY u rrit për shkak të frikës lidhur me inflacionin në SHBA. Sidoqoftë, jeni japonez e ndyshoi trendin e tij të enjten pasi u bë e qartë se, sipas zyrtarëve të Rezervës Federale, rritja e fundit e inflacionit është e përkohshme dhe ndyshimi i politikës monetare të Fed-it nuk është i nevojshëm.
Shkaktuar nga e njëjta bindje, çmimi i arit u rrit fuqimisht duke iu afruar nivelit të $ 1,900 ndërsa shitja në dollarin amerikan së bashku me interese të ulëta të obligacioneve shtetërore vazhdojnë të rrisin tërheqjen e metalit të verdhë.
Indekset amerikane morën ndihmë nga besimi i përtërirë në Rezerva Federale, e cila e mbajti politikën e saj monetare ultra të lehtë. Sezoni i fitimeve po përfundon dhe fitimet e forta nga sektori i shitjes me pakicë përsëri dëshmojnë për forcën e kërkesës së konsumatorëve. Nga ana tjetër, vlerësimet e larta penguan rritje.
Çmimi i naftës u rrit javën e kaluar ndërsa të dhënat e fundit ekonomike nga e gjithë bota mbështesnin pritjet për një rimëkëmbje të qëndrueshme të kërkesës. Përhapja e një varianti të ri të virusit covid-19 është hequr nga tregtarët e naftës. Dobësia e dollarit gjithashtu mbështeti çmimin e naftës së papërpunuar.