Analiza javore për ndryshimet e CFD's - 22/12/2025 - 26/12/2025

Mohim i rrezikut: Shembulli më poshtë është vetëm për qëllime ilustruese dhe bazohet në lëvizjet e çmimeve të nxjerra nga Kontratat për Diferencë (CFD). Llogaritjet pasqyrojnë rezultate hipotetike duke përdorur të dhëna historike ose të specifikuara të çmimit për instrumentin përkatës në datën e deklaruar dhe nuk janë tregues i performancës së ardhshme. Çdo mbështetje te ky material bëhet rreptësisht me rrezikun e vetë përdoruesit.

EUR/USD u ngjit në nivelin më të lartë të tre muajve, mes pritshmërive për ulje të mëtejshme të normave të interesit nga Fed në vitin 2026.

Sterlina britanike gjithashtu u rrit në një nivel më të lartë të tre muajve, ndërsa dollari amerikan u dobësua ndaj shumicës së rivalëve të tij, pavarësisht pritshmërive se edhe Banka e Anglisë ka gjasa të ulë normat e interesit vitin e ardhshëm.

USD/JPY u tërhoq javën e kaluar, edhe pas të dhënave të inflacionit të Tokios të publikuara të premten, të cilat dolën më të ulëta se pritjet, ndërsa tregjet presin së shpejti një tjetër rritje të normës së interesit nga Banka e Japonisë.

Çmimet e arit u rritën ndjeshëm dhe shënuan një rekord të ri, të mbështetura nga kërkesa për strehë të sigurt dhe pritshmëritë për ulje të normave nga Fed në vitin 2026.

Aksionet amerikane të S&P 500 u rritën fuqishëm javën e kaluar, teksa “rally” i “Santa Claus” e çoi indeksin në nivele të reja historike. Të dhënat e PBB-së së SHBA-së, më të forta se pritjet, treguan se ekonomia mbeti e qëndrueshme, pavarësisht shqetësimeve tregtare më herët gjatë këtij viti.

Çmimet e naftës u rritën në nivelin më të lartë të dy javëve, por deri të premten dorëzuan pjesën më të madhe të këtyre fitimeve. Çmimi i naftës u mbështet nga një bllokadë e SHBA-së ndaj Venezuelës, por lajmi se Presidenti Zelensky do të takohej me Presidentin Trump të dielën sugjeroi se po bëhej përparim drejt një marrëveshjeje paqeje mes Rusisë dhe Ukrainës.