Valuta e përbashkët evropiane u ndryshua pak javën e kaluar. Nga njëra anë, vetoja e Hungarisë dhe Polonisë mbi një buxhet të ri të BE-së e dëmtoi euron. Sidoqoftë, presidenti Donald Trump e autorizoi Administratën e Shërbimit Qeveritar (GSA) të hënën - për ta lehtësuar kalimin te presidentit të zgjedhur Joe Biden. Lajmi e ofroi sigurinë se do të kryhet një tranzicion i qetë, duke e rritur sentimentin ndaj rrezikut, nga që përfitoi euro.
Paundi britanik u rrit për shkak të shpresave lidhur me vaksina ("Made in UK") dhe optimizmin e marrëveshjes post-Brexit. Duket se një projekt marrëveshje tregtare midis BE-së dhe MB-së është gati dhe tashmë me çmim në (GBP). Sidoqoftë, nënshkrimi i marrëveshjes pritet akoma; kështu që saga vazhdon
Jeni japonez u rimëkëmb por ra të hënën pasi AstraZeneca raportoi se vaksina e saj është 70 për qind efektive. Diferencat e ngushta të rendimentit midis obligacioneve të Japonisë dhe atyre perëndimore shkaktuan rritje të jenit në javët e fundit.
Indekset e aksioneve të SHBA-së ndryshuan pak. Vaksinat e suksesshme, presidenca e ardhshme e Joe Bidenit dhe Jennet Yellen (ndoshta) në krye të Departamentit të Thesarit shkaktuan rritje të shpresave tek investitorët. Sidoqoftë, pandemia e ndezur e Covid-19 shkaktoi rënie të sentimentit.
Çmimi i arit ishte në rënie të lirë të hënën dhe të martën ndërsa rezultati i zgjedhjeve presidenciale dhe lajmet në frontin e vaksinës siguruan optimizëm të ri.
Çmimet e naftës së papërpunuar vazhduan të rriten. OPEC dhe aleatët e tij (rusë) me sa duket janë të gatshëm të zgjasin shkurtimet e furnizimit vitin e ardhshëm. Dollari amerikan ra në nivelet e ulëta të hënën, duke siguruar mbështetje për çmimet e naftës. Për më tepër, lëvizshmëria e njerëzve në SHBA është ende mjaft e lartë sipas të dhënave të fundit, ndërsa numri i vrimëve nafte ra për herë të parë në 10 javët e fundit.