Euro ra në krahasimin me dollarin. Christine Lagarde, presidentja e Bankës Qendrore Evropiane, edhe një herë, hodhi poshtë spekullimet e tregut për rritje e normave të interesit në vitin 2022. Përveç kësaj, përkeqësimi i situatës shëndetësore në Gjermani, Austri dhe Holandë bën presion në valutën e përbashkët evropiane.
Javën e kaluar, paundi britanik ra në nivele të reja më të ulëta, por u rimëkëmb të hënën. Takimi i fundit mes BE-së dhe Britanisë së Madhe ishte shumë më i mirë se ai i javës së kaluar, ndërsa kryeministri Boris Johnson tha se një marrëveshje me BE-në është e mundur dhe shtoi se ata shpresojnë të arrijnë marrëveshje për Protokollin e Irlandës së Veriut.
USD/JPY vazhdoi të rritet ndërsa rendimenti i obligacioneve shtetërore 10-vjeçare të SHBA-së u rrit mbi 1,6%. Në përgjithësi, indeksi i dollarit amerikan e tejkaloi nivelin e 95 pikësh dhe është në nivelin më të lartë në gati dy vjet.
Çmimi i arit vazhdoi të rritet dhe është afër nivelit të 1,900 dollarëve, ndërsa shifrat e fundit të CPI-së në SHBA për tetorin, kur inflacioni u rrit në nivelin më të lartë që nga viti 1990, sugjerojnë se Fed-i mund të detyrohet të rrisë normat e interesit sa më shpejt në një përpjekje për të frenuar inflacionin.
Indekset amerikane ndryshuan pak, të mbështetura nga rezultatet e shkëlqyera të fitimeve të kompanive publike dhe nga politika monetare sumë e lirshme e Fed-it.
Çmimi i naftës u tërhoq javën e kaluar pasi OPEC-i uli parashikimin e kërkesës botërore për naftë për tremujorin e katërt me 330,000 fuçi në ditë në krahasim me parashikimin e muajit të kaluar. Forcimi i dollarit amerikan kufizoi gjithashtu çmimet e naftës. Megjithatë, tregu i naftës do të mbetet në deficit në afat të shkurtër, gjë që duhet t'u japë mbështetje çmimeve.