Еврото кон крајот на минатата недела падна во однос на доларот, откако податоците за работните места во САД, кои беа повисоки од очекуваните, ја зголемија веројатноста за зголемување на основната каматна стапка за 75 поени од страна ФЕД следниот месец.
Британската фунта падна, по одлуката на Банката на Англија да ги зголеми каматите стапки за очекуваните 0,5%. Фунтата се намали откако претседавачот Бејли предупреди дека инфлацијата ќе надмине 13%. Аналитичарите сметаат дека е веројатен периодот на негативен раст, повисока невработеност и висока инфлација - познат како стагфлација.
Парот УСД/ЈПУ се зголеми додека се чинеше дека јапонската централна банка ќе ја потврди својата актуелна политика на напроменетите каматни стапки, а податоците за вработеноста во САД го зголемија доларот во петокот.
Цената на златото продолжи да се зголемува минатата недела, достигнувајќи ново рекордно месечно ниво поради геополитичките тензии меѓу САД и Кина во врска со Тајван и војната во Украина, искористувајќи ја слабоста на доларот. Податоците за работните места во САД во петокот го предизвикаа падот на златото, но тоа го продолжи својот раст оваа недела.
Американските берзански индекси се зголемија изедначувајќи ги во петокот своите добивки остварени во претходната недела. Сезоната на објавување на заработките завршува, бидејќи повеќето компании ги објавија своите финансиски извештаи, а компаниите како што се Модерна и Алибаба објавија подобри од очекуваните резултати, додека Вирџин разочара откако објави дека нивните летови ќе мора да бидат одложени за следната година. Повеќе од 78% од компаниите кои до денес ги имаат објавено своите финансиски извештаи ги надминаа очекувањата.
ОПЕК минатата недела донесе одлука за нов договор за додавање на 100.000 барели месечно. Но, цената на нафтата падна поради стравувањата дека побарувачката на нафта ќе се намали поради рецесијата во САД и поради неодамнешните ограничувања во Кина.