Euro u rimëkëmb pak në krahasim me dolliarn. Në takimin e politikës monetare, BQE-ja pranoi përmirësimin e kushteve në një mënyrë delikate duke i karakterizuar rreziqet si të ekuilibruara. Sidoqoftë, intereset në rritje të obligacioneve shtetërore të SHBA-së mbështetën dollarin të hënën dhe të martën, përpara takimit të Rezervës Federale të mërkurën.
Paundi britanik nuk u ndryshua javën e kaluar. Përmirësimi i ndjenjave ndaj rrezikut shkaktoi rritje të GBP/USD, por tërheqja korrigjuese nga pasiguria mbi shpenzimet e infrastrukturës prej $ 2.25 trilionë të Presidentit amerikan Joe Biden dhe mungesa e marrëveshjes tregtare pas Brexit-it midis MB-së dhe Bashkimit Evropian mbizotërouan.
USD/JPY ra në linjën e poshtme të premten por rritja e interesit të obligacioneve shtetërore të SHBA-së mbështeti dollarin të hënën. Në përgjithësi, dollari u ndryshua pak, rreth 91 pikë, pasi gjendja shëndetësore e përkeqësuar në ekonomitë në zhvillim dhe një rritje e mundshme e taksave nga administrata e Biden-it vazhdojnë të mbështesin dollarin.
Çmimi i arit kryesisht nuk u ndryshua, duke lëvizur nën nivelin e 1,800 $ në një interval të ngushtë. Duket se investitorët nuk duan të vendosin asnjë baste të drejtuar përpara takimit të Fed-it të mërkurën.
S&P 500 dhe Nasdaq arritën kulmet e të gjitha kohërave përsëri të hënën. Java e ngarkuar e sezonit të fitimeve po fillon, e pritet që kompanitë e mëdha teknologjike si Apple, Facebook dhe Amazon të jenë në fokus.
Çmimi i naftës u rritën dhe vazhduan të lëvizin në intervalin 60-64. Investitorët janë të shqetësuar kur bëhet fjalë për rimëkëmbjen e kërkesës për naftën pasi numri i infektimeve me COVID-19 në Indi (dhe Japoni), importuesi i tretë (dhe i katërt) i naftës së papërpunuar në botë, vazhdon të rritet. Takimi i OPEC+ është planifikuar për të mërkurën, 28 prill. Ndërkohë, Irani dhe SHBA-ja vazhdojnë negociatat në Vjenë se si të ringjallin marrëveshjen bërthamore të vitit 2015. Progresi është duke u bërë, dhe çdo përparim i madh mund të sjellë më shumë se 1 milion fuçi në ditë në tregun e naftës në muajt që vijnë.