EUR/USD u rrit javën e kaluar pavarësisht nga të dhënat më të larta se sa pritej të NFP-së të SHBA-së, që u publikuan të premten. Të dhënat siguruan një mbështetje për valutën amerikane, sepse tregtarët u shqetësuan se inflacioni mund të jetë ende shumë i lartë për një ulje të normave në qershor.
GBP/USD e përfundoi javën gjerësisht të pandryshuar sepse një sërë të dhënash në Mbretërinë e Bashkuar sugjeruan që ekonomia e Mbretërisë së Bashkuar mund të përjetojë rritje në muajt e ardhshëm.
Kjo ishte një javë e paqëndrueshme për çiftin USD/JPY i cili e përfundoi në nivelet më të larta. Të premten, kryeministri japonez Kishida paralajmëroi tregjet se qeveria do të përdorë "të gjitha mjetet" për të parandaluar rënien e mprehtë të vlerës së jenit.
Çmimi i arit përjetoj në mënyrë të përsëritur një seri rekordesh javën e kaluar ndërsa të gjithë sytë janë në Lindjen e Mesme. Tregtarët prisnin paqëndrueshmëri sepse Irani u zotua për një përgjigje ushtarake ndaj një sulmi të mëparshëm izraelit ndaj konsullatën iraniane në Siri.
Indekset e aksioneve ranë sepse të dhënat më të forta të SHBA-së dhe deklaratat e kujdesshme nga zyrtarët e FED-it shkaktuan shqetësim rreth uljes së normave të interesit. Drejtori i përgjithshëm i kompanisë Tesla, Elon Musk, njoftoi se Robotaxi i ri i kësaj kompanie do të zbulohet në gusht.
Çmimi i naftës u rrit dhe regjistroi një nivel më të lartë në pesë muaj për shkak të tensioneve në Lindjen e Mesme, e cila është e pasur me naftë. Takimi i përbashkët ministror i OPEC-ut u mbajt javën e kaluar dhe nuk u bë asnjë ndryshim të politikës së prodhimit.