Euro ra pasi dollari u rrit në fund të javës së shkuar pas komenteve të buta nga zyrtarët e Fed-it. Të enjten, të dhënat e inflacionit të Eurozonës dolën më të ulëta se sa pritshmeria.
Paundi britanik u rrit kundrejt dollarit pas publikimit të të dhënave të inflacionit në Mbretërinë e Bashkuar. Shifrat e inflacionit të CPI-së ishin më të larta se sa pritej, duke rritur gjasat e rritjes më të mprehtë të normave të interesit nga banka e Anglisë në muajt e ardhshëm.
USD/JPY lëvizi në trendin e rritjes deri në fund të javës sepse guvernatori i bankës qendrore japoneze, Kuroda, përsëriti vendosmërinë e tij për të mbajtur lehtësimin monetar.
Çmimi i arit ra nga niveli më i lartë në tre muaj pas rritjes së dollarit të premten. Deklaratat nga zyrtarët e Fed-it sugjeruan se rritja e normave të interesit do të vazhdojë deri sa inflacioni të jetë nën kontroll.
Aksionet e SHBA-së e përfunduan javën në nivele më të ulëta pasi arritën nivele më të larta në dy muaj, sepse investitorët u bënë më pak optimistë rreth gjendjes së ekonomisë së SHBA-së. Ndonse shifrat e inflacionit të SHBA-së të javës së shkuar ishin më të ulta se ç'pritej, analistët kanë vënë në dukje se është tepër herët të thuhet se sa do të zgjasë recesioni.
Çmimi i naftës ra ndjeshëm pasi Kina raportoi rritje të infeksioneve me COVID dhe më kufizime të reja. Frika e recesionit global po ndikon negativisht edhe mbi çmimet e naftës. Megjithatë, shifrat javore të rezervave nga SHBA-ja ishin pozitive, duke sugjeruar se kërkesa atje mbetet e fortë.