EUR/USD ra javën e kaluar. Të dhënat më të ulëta se sa pritej për inflacionin francez dhe italian dhe një ulje e papritur e normës së interesit nga Banka Kombëtare Zvicerane, sugjerojnë se një ulje e normës së interesit nga BQE-ja në qershor është shumë e mundshme. Të dhënat pozitive të PBB-së amerikane gjithashtu ofruan mbështetje për dollarin amerikan.
GBP/USD u rrit pasi Zyra e Statistikave Kombëtare konfirmoi se ekonomia e Mbretërisë së Bashkuar ra në recesion vitin e kaluar.
USD/JPY e përfundoi javën në nivelet pak më të larta sepse ky çift monedhash regjistroi një kulm të ri katër mujor. Banka e Japonisë, e cila kohët e fundit rriti normat e interesit, deklaroi se do të marrë një qasje të kujdesshme ndaj rritjeve të mëtejshme.
Çmimi i arit vazhdoi të rritet dhe arriti një tjetër nivel më të lartë të enjten. Rritja ndodhi pas prishjes së bisedimeve të armëpushimit midis Izraelit dhe Hamasit në Lindjen e Mesme dhe rritjen e blerjes së arit nga bankat qendrore globale.
Rezultatet e aksioneve ishin të përziera javën e kaluar sepse indeksi S&P100, i cili është përbërë kryesisht nga aksionet teknologjike u tërhoq pak, ndërsa S&P500 më e gjerë u rrit në një javë tregtare të shkurtuar për shkak të festave të Pashkëve.
Çmimi i naftës u rrit në nivelin më të lartë në pothuajse pesë muaj të enjten. Të dhënat e forta ekonomike nga SHBA, konsumatori më i madh i naftës në botë, sugjerojnë se kërkesa për naftë bruto mund të vazhdojë të rritet. Tregtarët gjithashtu po presin me padurim takimin e përbashkët të ministrave të energjisë të vendeve të OPEC-ut të kësaj jave.