Евродоларот се движеше на повисоки нивоа во текот на неделата, бидејќи загриженоста во врска со мини банкарската криза се намали. Во сведочењето пред Сенатот, американската министерка за финансии, Јелен, вети дека ќе ги заштити депозитите на штедачите. ФЕД имаше состанок и ги зголеми каматните стапки за 25 базични поени, како што се очекуваше.
Британската фунта се зголеми откако податоците за инфлацијата во Велика Британија беа повисоки од очекуваните на почетокот на неделата. Бројките извршија притисок врз Банката на Англија да продолжи да ги зголемува каматните стапки и банката соодветно ги зголеми каматните стапки за 25 базични поени во четвртокот.
Валутниот пар УСД/ЈПУ падна, бидејќи трговците продолжија да ја сметаат јапонската валута како атрактивна опција на сигурно засолниште.
Цената на златото се зголеми бидејќи трговците продолжија да го купуваат благородниот метал во услови на геополитички и финансиски ризици. Цената беше поддржана од очекувањата дека ФЕД ќе ги намали каматните стапки оваа година најмалку три пати.
Американските акции се движеа малку повисоко, бидејќи трговците се чувствуваа смирени од изјавите на американската администрација и се радуваа на намалувањето на каматните стапки, што аналитичарите очекуваат да започне уште во јули.
Цената на нафтата се зголеми поради оптимизмот на пазарот и поради извештајот на „Голдман Сакс“ во кој се наведува дека побарувачката на нафта во Кина се зголемува на 16 милиони барели дневно. ОПЕК се состанува следната недела и се чини дека ќе продолжи да го спроведува сегашниот договор за намалување на производство за 2 милиони барели дневно.