Евродоларот се движеше на пониско ниво откако достигна тримесечен максимум на почетокот на неделава. Претпазливиот говор на претседателот на Фед, Пауел, во петокот ги разочара трговците кои очекуваа сигнал дека намалувањето на каматните стапки ќе се случи следната година.
Британската фунта се искачи на уште еден двомесечен максимум во однос на доларот, по подобрите од очекуваните податоци за БДП од Велика Британија.
Парот USD/JPY нагло падна откако аналитичарите на инвестициските банки проценија дека Bанката на Јапонија дебатира дали да ја прекине својата политика на негативни каматни стапки.
Цената на златото нагло скокна и до крајот на неделата достигна највисоко ниво, 2144 долари. Израел ја продолжи својата воена операција откако примирјето дозволи ослободување на заложниците, додека тензиите се зголемуваа на Блискиот Исток.
Американските акции ја забележија својата петта недела по ред во зелено. На 30-ти ноември Tesla успешно ги направи првите испораки на својот Cybertruck.
Цената на нафтата се намали откако трговците не беа импресионирани од договорот на ОПЕК за дополнителни доброволни намалувања на производството до крајот на првиот квартал од 2024 година.